1

La Joana qu'es malauda
   Ò ! Ronlanlà, laderà ! ^(bis)
En çò deu Cabdeton.
   Qu'a hèit, nosta Joana
En çò deu Cabdeton
   Santè dab lo pinton.

La Joana qu'es malauda
   Ò ! Ronlanlà, laderà ! ^(bis)
Preu borg de Sent-Aubin,
   Sona, sona, sona ;
Preu borg de Sent-Aubin,
   Sona lo tamborin !

2

-"E donc, com va, Janeta ?"
   Ò ! Ronlanlà, laderà !    ^(bis)
Ce'u ditz la Margoton.
   Qu'a hèit, nosta Joana
Ce'u ditz la Margoton
   Santè dab lo pinton.

Arreish ne la va véder
   Ò ! Ronlanlà, laderà !    ^(bis)
Sonque lo vielh Jantin
   Sona, sona, sona ;
Sonque lo vielh Jantin
   Sona lo tamborin !

3

-"Amiga, vòs potatge,
"O leit dab escauton ?"

-"Hòu, Joana, e vòs potatge,
"O, mélher, un bon torin ?"

4

-"Lonh, lonh, tant de tesuras !
"Preferi lo pinton...

-"Minjé't lo ton potatge,
" Minjé't lo ton torin !

5

"Que'm vas har viste, ua ròsta
"Dab vin deu Peiroton...

"Hè'm mélher ua bona ròsta
"Dab tres pintons de vin.

6

"Que't mingeràs la ròsta
"Jo, beurèi lo leiton...

"Que't preneràs la ròsta,
"Jo, lo jus deu topin.

7

"E se ne soi guarida
"Morta serèi de bon.

"Se ne soi pas guarida,
"Serèi morta au matin.

8

"Que'm porteràs en cava
"On jo herèi planton.

"Mes, abans jo que'm mori,
"Hè viéner lo vesin.

9

"Los pès entà la pòrta
"Lo cap au cuvaton.

"Ne'm pòrtitz pas en tèrra,
"Mes au chai, shens cochin.

10

"E se quauqu'un vòu sàber
"On es la Janeton,

"Los pès entà la pòrta,
"Mes lo cap entau vin.

11

"Diratz : "Au chai, la Joana
"S'a copat lo tuton."

"Se lo broquet s'eslurra,
"Que'u tirerèi au fin."

1

Carnaval qu'èra un brave òmi,
Mes qu'èra un fotut gormand !
S'a minjat totas las polas
N'a deishat que lo hasan.
Adiu, praube, praube, praube,
Adiu praube Carnaval.

2

Carnaval qu'èra un brave òmi,
Mes qu'èra un fotut gormand.
S'a minjat totas las tripas
N'a deishat que los Rojans.

3

Carnaval qu'èra un brave òmi,
Mes qu'aimèva lo pastís ;
Hica a huec la chamineja
Vien troblar tot lo païs.

4

Carnaval qu'èra un brave òmi,
S'èi la pinta suu taulòt,
Quan eth passi devant noste
Que'u herèi béver un bon còp.

5

Carnaval qu'èra un brave òmi,
Quan eth torni tà l'aut an,
Que'u heram gostar las polas
E tringlar dab bon vin blanc.
Adiu, praube, praube, praube,
Adiu praube Carnaval.

1

Per Doasit qu'èra ua vielhòta (bis)
Au quartièr de Lespicamp,
   Malebrit, brombram, brombram, la vielha,
Au quartièr de Lespicamp,
   Malebrit, brombram !

Mise en scène :
La vielle arrive sur la scène, un bâton à la main, une perruque blanche tenue par un mouchoir noué sous le cou, de gros sabots pleins de paille aux pieds. Elle demeurera voûtée, appuyée sur son bâton, tout le temps de la chansonnette.
Prendre une fillette costumée en garçon, grand berret sur la tête, sabots aux pieds.

2

Que'u gahà la maridèra (bis)
Per la hèsta de Sent Joan
   Malebrit....

3

E que part, un bèth dimècres,
Tà Haget, en tortejant.

4

Suu marcat de la poralha,
Que tròba un gojat charmant.

Le garçon parait sur la scène, et s'arrête à deux pas de la vieille.

5

-"Adiu, tu ! ce'u ditz la Joana,
"Vòs estar lo menh galant ?

La vielle s'avance vers lui, toujours bossue, levant les yeux, et l'appelant de la main.

6

"Que poirem, los dus amassas,
"Har lo pas, de 'cí cap d'an."

7

-"Huit-me lonh, vielha sorcièra !
"N'as pas que dus dents devant,"

Le garçon, reculant d'un pas, l'écarte de la main droite, et lui montre les dents.

8

"L'ua poirida e mau plantada,
"E l'auta que hè : tring-trang..."

Il fait le signe de secouer ses dents dans la bouche.

9

-"Se sabès çò que't vau díser,
"Ne m'ensurterés pas tant...

La vieille s'avance vers lui, et fait le signe de dénégation, quand elle chante :" Ne m'ensurterés pas tant"

10

"Qu'èi loís d'aurs, escuts a piòlas,
"E moneda tot austant...

Elle met la main dans la poche de son tablier, et en tire une poignée de pièces qu'elle jette sur la scène.

11

"A la cort, duas bèras vacas,
"E tres pòrcs entà 'nh'aut an..."

Elle montre les deux vaches et les trois cochons.

12

-"Qu'es vertat ? Es donc possible ?"
Ce'u ditz l'aut, en pitsautant...

Le garçon, souriant, s'avance en sautillant, vers la vieille.

13

E los dus hesón potica
E la noça decidàn.

Ils s'embrassent, la vieille restant toujours voûtée, appuyée sur son bâton.

14

Lo diluns, qu'estón fiançalhas,
E lo dimarcs qu'esposàn.

Au 1er vers, le garçon passe l'alliance au doigt de la vieille ; à la reprise, la vieille la passe au doigt du garçon.
Au 2ème vers, ils marchent ensemble bras dessus, bras dessous.

15

Lendoman, morí, la Joana...
Lo dijaus, que l'enterràn.

Le jeune homme, tirant son mouchoir de la poche, pleure, en secouant la tête.

16

Lo divès, cantàn l'ofèrta,
Lo dissabte lo cap d'an.

Même mimique.

17

E lo gojat, a soa casa
Se'n tornà shens tròp plorà'n.

Il remet le mouchoir dans la poche, et arpente la scène en souriant, tandis que la vieille continue la chanson.

18

E dab los sòus de la vielha
Se'n cercà ua de vint ans.

Les deux, sur le devant de la scène, chantent la dernière strophe.

1

Lou menh pair lèu que'm marida (bis)
M'a balhat per maridatge
Cho ! cho ! cho !
Cho ! cho ! cho !
N'at cau pas díser,
Cho ! cho ! cho !

2

M'a balhat per maridatge (bis)
Tredze buèus, quatorze vacas
Cho !...

3

Tredze buèus, quatorze vacas
Puish ua craba escornaishada.
Cho !...

4

Puish, ua craba escornaishada.
L'èi menhada entà la lana
Cho !...

5

L'èi menhada entà la lana
Har-la pèisher bròc e brana
Cho !...

6

Har-la pèisher bròc e brana,
Lo lop se me l'a minjada
Cho !...

7

Lo lop se me l'a minjada
Tot sonqu'ua bèra carboada
Cho !...

8

Tot sonqu'ua bèra carboada
Sus la taula l'èi pausada
Cho !...

9

Sus la taula l'èi pausada
Mes lo gat me l'a minjada
Cho !...

10

Mes lo gat me l'a minjada
L'èi tirat un còp d'espada
Cho !...

11

L'èi tirat un còp d'espada,
Morta a tèrra qu'es tombada
Cho !...

12

Morta a tèrra qu'es tombada
Au menh lheit que l'èi portada
Cho !...

13

Au menh lheit que l'èi portada
Anam cuélher la vesiada.
Cho !...

14

Anam cuélher la vesiada
Tot atau l'am enterrada.
Cho !...

1

A Mugron qu'i avè ua tòrta (bis)
Qui cerquèva a's maridar
Turluret lanlà drideta
Qui cerquèva a's maridar,
Turluret lanlà dridà.

2

Que se'n va de borg en vila
Entà s'apréner a dançar.

3

Que's hicà donc a la dança
A la man d'un joen gojat

4

Que'u disó, baish, a l'aurelha :
"Galant, e't vòs maridar ?"

5

-"Non pa'au mens dab tu, tortassa,
Que'n vas tròp charrís-charrà"

6

-"Se soi tòrta que soi richa,
L'argent ne't manquerà pas."

7

-"Cho ! cho ! tòrta s'atau parlas
Quauqu'ahar que poiram har"

8

Lo dimenge era que crompa
Tau diluns entà's fiançar

9

Lo dimarcs era qu'esposa,
Bèra noça que passà.

10

Lo dimècres tombà morta
Lo dijaus van l'enterrar.

11

Lo divès cantàn la messa,
Lo dissabte lo bot d'an

12

Dab los escuts de la tòrta
Eth que's tornà maridar.
Turluret lanlà drideta
Eth que's tornà maridar
Turluret lanlà dridà.

1

A Mugron qu'i atz ua vielha (bis)
Qui a benlèu quate-vints ans
Malebrit, brombram, brombram la vielha.
Qui a benlèu quate-vints ans
Malebrit brombran

2

Bien que sii era tan vielha
Que vòu maridà's engoan...

3

E que part entà la fèira
De cap a mont-de-Marsan...

Entà Dacs, en bèth dissabte
Que se'n va en tortejant

4

Per devant la Madalèna
Que's vèid un gojat charmant.

A l'entorn de la hont cauta
Que tròba un gojat charmant.

5

-"Adiu, tu, ce'u ditz, gaujosa,
Vòs estar lo menh galant ?...

6

Que poirem los dus amassas
Víver urós shens tròp shirgà'n.."

Que poirem los dus amassas
Acapà's entà cap d'an."

7

-"Huit-me lonh, vielha soucièra,
N'as pas que duas dents devant...

8

L'ua dejà tota traucada
E l'auta tota en pindant..."

9

-"Se sabés çò que't vau díser
Ne m'ensurterés pas tant...

10

Qu'èi loís d'aur, escuts a piòlas,
E moneda tot austant...

11

Qu'èi tanben tres pars de vacas
E dus pòrcs devath l'envant..."

Qu'èi tanben tres pars de vacas
E dus pòrcs entà 'nh aut an." / qu'engreisheram."

12

-"Hè't ençà, vien, vien, la vielha",
Ce ditz l'aut en l'amilhant...

13

Austanlèu, hesón brasada,
Lheit e hardas que crompàn...

14

Lo diluns, las acordalhas
E lo dimarcs qu'esposàn...

15

Lendoman, morí la Joana,
Lo dijaus que l'enterràn...

16

Lo divès, qu'estó l'ofèrta
Lo dissabte, lo bot d'an...

17

E lo veud, solet, a casa
Que tornà shens tròp plorà'n...

Lo gojat solet, a casa
Que tornà shens tròp plorà'n...

18

Dab los sòus de la defunta
Se'n cercà ua de quinze ans...

19

Se ne'n tròba pas de quinze,
A Mugron, d'aut's que'u vorràn...

Se ne'n tròba pas de quinze,
Las de vint lhèu que'u vorràn... / Las sedze que'u vorràn.

1

Qu'èran duas o tres vesias (bis)
Qui volèn har un banquet
Laguinhon, guinhet
Lanhiga, nhiga,
Qui volèn har un banquet
Laguinhon, guinhet.

2

Que partín de pòrta en pòrta
Demandar lo vin quant es.

3

Lo Bernat que'u ven quaranta
Lo Ninòt quaranta-tres.

4

Que crompàn lo de quaranta
Pigalhat, tot clar, tot fresc

5

Que plenhàn bèra tarrissa
Qui tienè dotze chaupets

6

L'ua que tirà ua carboada
L'auta un morron de porquet

7

La darrèra, ua cuéisha d'auca,
Dab un còth e lo culet

8

Que pintàn, pintàn enqüèra,
Dinc a pèrder lo claquet

9

Quan estón emberiagadas,
Que vedón un bèth portret...

10

Los marits las anant cuélher
En bèth har cinglar lo foet

11

L'ua cadó devath la taula
L'auta contre la paret

12

La qui's mèi e's podè tiéner
Tombà de travèrs suu huec

13

Hò ! hò ! ce disón los òmis,
Qu'am un bèth tisòc suu huec
Laguinhon, guinhet
Lanhiga, nhiga,
Qu'am un bèth tisòc suu huec
Laguinhon, guinhet.

1

Amiga, anam béver un pinton
Jo que sèi on n'i a deu hòrt bon    ^(bis)
E ronlanlà dridí
Anam-i, quan, de tira
E ronlanlà dridí
Que heram ua partida.

2

Qu'èi a la pòcha un bèth tripon
E la mieitat d'un bròi couston    ^(bis)
E ronlanlà dridí
E dus o tres saussissas
E ronlanlà dridí
La pòcha se m'esquiça.

3

Se tot aquò e v'at portatz
Serà pas vos qui pagueratz    ^(bis)
E ronlanlà dridí
Qu'èi pèças e moneda
E ronlanlà dridí
Jo que v'at poish har véder.

4

Que m'èi venut un tròç de lard
De grèisha nava ua bèra part    ^(bis)
E ronlanlà dridí
Qu'èi los sòus a la pòcha
E ronlanlà dridí
Anam donc har bambòisha.

5

Que m'èi venut dus pars de piòcs
Hroment, milhòc en tres sacòts    ^(bis)
E ronlanlà dridí
Mèi un chic de hielassa
E ronlanlà dridí
Entà béver la taça.

6

Au Baptiston hart de talhar
Sovent onhons que'u hèi minjar    ^(bis)
E ronlanlà dridí
Tanben quauque patata
E ronlanlà dridí
Urós quan se n'atrapa.

7

Quan a l'auberja eth e se'n va
Jog'a las cartas e pintar        ^(bis)
E ronlanlà dridí
Jo que me'n vau lo cuélher
E ronlanlà dridí
E tirà'u las aurelhas.

1

Tròp, tròp s'èra lhevat lo monge
Tròp, tròp s'èra lhevat matin
Carca lo sac sus l'ase
E hai ! entau molin !          ^(bis)

2

Tròp, tròp s'èra lhevat lo monge
Tròp, tròp s'èra lhevat matin.
La bruma qu'èra espessa
Que's perdó lo camin.          ^(bis)

3

Tròp, tròp s'èra lhevat lo monge
Tròp, tròp s'èra lhevat matin.
Qu'estacà lo son ase
E montà sus un pin.          ^(bis)

4

Tròp, tròp s'èra lhevat lo monge
Tròp, tròp s'èra lhevat matin.
Com la branca èra seca
Que caid, lo capuishin...          ^(bis)

5

Tròp, tròp s'èra lhevat lo monge
Tròp, tròp s'èra lhevat matin.
Que's deslogà la cuéisha,
Tot en muishant lo dit.          ^(bis)

6

Tròp, tròp s'èra lhevat lo monge
Tròp, tròp s'èra lhevat matin.
Las hemnas deu vilatge
Qu'arribàn au son crit.          ^(bis)

7

Tròp, tròp s'èra lhevat lo monge
Tròp, tròp s'èra lhevat matin.
L'ua portèva lo viague
E l'auta lo capit.          ^(bis)

8

Tròp, tròp s'èra lhevat lo monge
Tròp, tròp s'èra lhevat matin.
Unh'auta la sharpía
Enta'u ligar lo dit !          ^(bis)
Tròp, tròp s'èra lhevat lo monge
Tròp, tròp s'èra lhevat matin.

1

Jo me'n vau entau marcat
Crompar ua piocòta           ^(bis)
Piau, piau, piau, ce hè la piocòta
Au virabau
Que canta la poralha
Canta la poralha au pau.

2

Jo me'n vau entau marcat
Crompar ua guitòta           ^(bis)
Coac, coac, coac, ce hè la guitòta
Piau, piau, piau, ce hè la piocòta,
Au virabau
Que canta la poralha
Canta la poralha au pau.

3

Jo me'n vau entau marcat
Crompar ua crabòta           ^(bis)
Bè, bè, bè, ce hè la crabòta
Coac, coac, coac, ce hè la guitòta
Piau, piau, piau, ce hè la piocòta,
Au virabau
Que canta la poralha
Canta la poralha au pau.

4

Jo me'n vau entau marcat
Crompar ua vacòta           ^(bis)
Mmà, mmà, mmà, ce hè la vacòta
Bhè, bhè, bhè, ce hè la crabòta
Coac, coac, coac, ce hè la guitòta
Piau, piau, piau, ce hè la piocòta,
Au virabau
Que canta la poralha
Canta la poralha au pau.

5

Jo me'n vau entau marcat
Crompar ua gatòta           ^(bis)
Miau, miau, miau, ce hè la gatòta
Mmà, mmà, mmà, ce hè la vacòta
Bhè, bhè, bhè, ce hè la crabòta
Coac, coac, coac, ce hè la guitòta
Piau, piau, piau, ce hè la piocòta,
Au virabau
Que canta la poralha
Canta la poralha au pau.

6

Jo me'n vau entau marcat
Crompar ua canhòta           ^(bis)
Ham, ham, ham, ce hè la canhòta
Miau, miau, miau, ce hè la gatòta
Mmà, mmà, mmà, ce hè la vacòta
Bhè, bhè, bhè, ce hè la crabòta
Coac, coac, coac, ce hè la guitòta
Piau, piau, piau, ce hè la piocòta,
Au virabau
Que canta la poralha
Canta la poralha au pau.

1

Las daunas deu Bourg
S'an jogat tot l'argent         ^(bis)
E la bossa e tot
Las daunas, las daunas,
E la bossa e tot
Las daunas deu Borg.

2

Las daunas deu Bourg
S'an jogat los diamants
Los pendents e tot
Las daunas,...

3

Las daunas deu Bourg
S'an jogat lo bonet
Los ribans e tot
Las daunas,...

4

Las daunas deu Bourg
S'an jogat la pelha
Lo corsatge e tot
Las daunas,...

Las daunas deu Bourg
S'an jogat lo chapèu
Las plumas e tot
Las daunas,...

5

Las daunas deu Bourg
S'an jogat lo mante
Los cluishets e tot
Las daunas,...

Las daunas deu Bourg
S'an jogat lo corset
Los cluishets e tot
Las daunas,...

6

Las daunas deu Bourg
S'an jogat la rauba
La dentela e tot
Las daunas,...

Las daunas deu Bourg
S'an jogat lo fichú
La dentela e tot
Las daunas,...

7

Las daunas deu Bourg
S'an jogat los solièrs
Las boclas e tot
Las daunas,...

8

Las daunas deu Bourg
S'an jogat las cauças
Camaliga e tot
Las daunas,...

Las daunas deu Bourg
S'an jogat los esclòps
Dab la gansa e tot
Las daunas,...

9

Las daunas deu Bourg
S'an guardat la lenca
Tà parlar de tot
Las daunas,...

Las daunas deu Bourg
S'an guardat los caishaus
Tà minjar de tot
Las daunas,...

10

Las daunas deu Bourg
S'an guardat los dus uelhs
Entà véder tot
Las daunas,...

11

Las daunas deu Bourg
S'an guardat lo pinton
Tà bevé'n de tot
Las daunas,...

1

A las joenas cau solièrs (bis)
A las vielhas còps de pè
Engoan eras que moriràn, las vielhas
Engoan eras que moriràn.

2

A las joenas cau fatràs
A las vielhas pèths de gat
Engoan...

3

A las joenas cau gilets
A las vielhas los perrecs
Engoan...

4

A las joenas cau jupons
A las vielhas lo pinton
Engoan...

5

A las joenas cau lo sac
A las vielhas lo tabac
Engoan...

6

A las joenas cau argent
A las vielhas mau de dent
Engoan...

7

A las joenas cau lo bal
A las vielhas lo jornal
Engoan...

8

A las joenas cau marcats
A las vielhas los aucats
Engoan...

9

A las joenas cau galants
A las vielhas nhacs de cans
Engoan...

1

Mainada, vòs un par d'esclòps ? (bis)
- Non ! non ! non !
Disi que non
Aquò n'es pas ma malaudía
Guèi ! guèi ! guèi !
Disi guèi ! guèi !
Aquò n'es pas lo mau qui jo èi.

On nomme ensuite les diverses parties de l'habillement d'une jeune fille, et on termine par le couplet suivant :

Mainada, vòs un bèth gojat ? (bis)
- Oui, oui, oui,
Disi que oui
Aquí qu'èi bien la malaudía
Guèi ! guèi ! guèi !
Disi guèi ! guèi !
Aquí qu'es bien lo mau qui jo èi.

1

Ò mair, mair, maridatz-me 'ngoan (bis)
Mon Diu ! engoan !
Senhur ! engoan !
Vos que'n seratz hòra unh aut an !
Que me'n mori ! Que me'n mori !
Ò mair, mair, maridatz-me 'ngoan.
Ne poish pas mèi aténder un an.

2

Mainada, atén enqüèra un an (bis)
- Mon Diu, un an !
Senhur ! un an !
Tots los gojats se n'aneràn
Que me'n mori ! Que me'n mori !
Ò mair, mair, maridatz-me 'ngoan.
Ne poish pas mèi aténder un an.

3

Mainada, nos n'am pas lo lheit
- Mon Diu, lo lheit !
Senhur, lo lheit !
Que dromiram sus l'arcalheit
Que me'n mori !...

4

Mainada, n'am pas lo capcèr
- Mon Diu, capcèr,
Senhur, capcèr !
Que dromiram près deu larèr
Que me'n mori !...

5

Mainada, n'am pas los linçòus,
- Mon Diu, linçòus !
Senhur, linçòus !
Que coperam l'èrba deu bòsc
Que me'n mori !...

6

Mainada, n'auram pas lo pan
- Mon Diu, lo pan !
Senhur, lo pan !
Tots los vesins nse'n presteràn
Que me'n mori !...

7

Mainada, n'auram pas lo vin
- Mon Diu, lo vin !
Senhur, lo vin !
L'aneram cuélher a Sent-Aubin
Que me'n mori !...

8

Mainada, n'am pas pro d'argent
- Mon Diu, argent !
Senhur, argent !
En trabalhant que n'auram bien
Que me'n mori ! Que me'n mori !
Ò mair, mair, maridatz-me 'ngoan.
Ne poish pas mèi aténder un an.

1

Pòrti lo marit a véner (bis)
A la fèira de Mugron
Aridat dondena,
A la fèira de Mugron,
Aridat dondon !

2

Nat ne me'u marcandejèva
Sonque ua vielha margoton.

3

Que m'a costat tres cents liuras
Que ve'u bailhi pr'un onhon

4

Que t'enviai la vielha au diable,
Lo marit a la maison

5

Que'u pausai devant la pòrta
Sus l'escala en pendilhon

6

Que'u deishai ua tròp gran pausa,
Atau morí shens reson.

7

Que hasoi sonar las clòchas
Au petit deu Bertranon

8

Que'u hasón ua bèra hòssa,
Dens ua tuta de bohon

9

Que balhai lo luminari
Dab sèt codas de moton

10

Lo curè, quan l'enterrèva
Que joguèva deu violon

11

E jo, prauba, prauba veuda
Que dançai en aqueth son.

1

Ah ! mamà, b'ètz vos urosa
D'aver ua hilha com jo             ^(bis)
Jo que talhi, jo que cosi
Jo que hèi çò que hètz vos         ^(bis)

2

Ah ! mamà, b'ètz vos urosa
D'aver ua hilha com jo             ^(bis)
Jo que sèi téisher e hielar,
Har lo pan e bugadar               ^(bis)

3

Ah ! mamà, b'ètz vos urosa
D'aver ua hilha com jo             ^(bis)
Que trabalhi preu casau,
E me'n tiri pas tròp mau

4

Deu casau me'n vau dehens
Har las cuentas, viste e bien.

5

Jo vau sola entau marcat
Véner havas, crompar blat.

6

Soi tostemps a galopar
Tot lo jorn dinc au sopar.

7

En tornant, ier de la hont
Que trobai un joen garçon.

8

" Tu e jo heram l'ahar
Ce'm disó shens s'arrestar."

9

-"Passa lonh lo ton camin"
Ce responoi au vesin.

10

Tostemps jo viurèi dab vos
Ne herèi pas nat gelós.

1

Jamèi n'èi vist tan bròi' nòvia
Com la hilha deu baron         ^(bis)
Qu'avè los solièrs de palha
La semèla en pèth d'onhon
Haut ! lo pè, haut ! Margotina
Haut ! lo pè, haut ! Margoton.

2

Qu'avè los solièrs de palha
La semèla en pèth d'onhon         ^(bis)
Qu'avè la rauba d'estopa
Brodada de seniçon
Haut ! lo pè, haut ! Margotina
Haut ! lo pè, haut ! Margoton.

3

Qu'avè la rauba d'estopa
Brodada de seniçon         ^(bis)
Los flòcs en tela d'aranha
La corona de cardon
Haut ! lo pè, haut ! Margotina
Haut ! lo pè, haut ! Margoton.

4

Los flòcs en tela d'aranha
La corona de cardon.          ^(bis)
L'an enviada entà la glèisa
A chivau sus un baston.
Haut ! lo pè, haut ! Margotina
Haut ! lo pè, haut ! Margoton.

5

L'an enviada entà la glèisa
A chivau sus un baston.          ^(bis)
Qu'avè lo carmalh per brida,
La horca per esperon.
Haut ! lo pè, haut ! Margotina
Haut ! lo pè, haut ! Margoton.

6

Qu'avè lo carmalh per brida,
La horca per esperon.          ^(bis)
E lo nòvi après era
Sautèva com un moton.
Haut ! lo pè, haut ! Margotina
Haut ! lo pè, haut ! Margoton.

7

E lo nòvi après era
Sautèva com un moton.          ^(bis)
S'eslurrà sus ua hemsòta
E's desmontà lo menton.
Haut ! lo pè, haut ! Margotina
Haut ! lo pè, haut ! Margoton.

8

S'eslurrà sus ua hemsòta
E's desmontà lo menton.          ^(bis)
Lo palhat capvath la rota
Qu'èra tot hèit de carbon.
Haut ! lo pè, haut ! Margotina
Haut ! lo pè, haut ! Margoton.

9

Lo palhat capvath la rota
Qu'èra tot hèit de carbon.          ^(bis)
Tà véder aquera arribada
Sortín tots de las maisons.
Haut ! lo pè, haut ! Margotina
Haut ! lo pè, haut ! Margoton.

10

Tà véder aquera arribada
Sortín tots de las maisons.          ^(bis)
Lo curè deishà la messa,
Perdó lo hiu deu sermon.
Haut ! lo pè, haut ! Margotina
Haut ! lo pè, haut ! Margoton.

11

Lo curè deishà la messa,
Perdó lo hiu deu sermon.          ^(bis)
Atau que'us hesón l'entrada
En trucant suu paderon.
Haut ! lo pè, haut ! Margotina
Haut ! lo pè, haut ! Margoton.

12

Atau que'us hesón l'entrada
En trucant suu paderon !          ^(bis)
Qu'ofrín l'aiga benedita
Dab ua coda de moton.
Haut ! lo pè, haut ! Margotina
Haut ! lo pè, haut ! Margoton.